TOPAKETAK ETA JAIALDIAK

Hilabetean behin topaketak burutuko dira eta Gabonetan eta Aste santuetan berriz, pilota eskolak jaialdiak antolatuko ditu.

Topaketak, pilota eskola desberdinak antolatzen dituzte. Horrela, herri, pilotaleku eta pilotari desberdinak ezagutzeko aukera edukiko dute.

Topaketetan 6 urtetik 12 urte bitarteko haurrak parte hartzen dute eta larunbat goizetan burutzen dira 10tan hasita 12ak arte. Pilota eskola bakoitzak, bere herrian tokatzen denean, antolaketari dagokion guztiaren jabe izaten dira, nahiz eta koordinaturik parte hartzen duten eta topaketa guztiek antza izaten duten.

Antolaketari dagokionez, txokoetan banatzen da pilotalekua eta beroketa egin ondoren, denak nahastuta, txoko desberdinetan sakabanatzen dira. Bertan, entrenatzaile edo monitore bat egongo da jolasa azaltzeko eta jolasaren garapena behar bezala jarduteko. Horrela, 15 minuturo txokoz aldatuko dira eta guztietatik pasa ondoren bukatutzat emango da topaketa.

Jaialdietan berriz, ez dira beste pilota eskolako umeak etortzen, baizik eta Hondarribiko pilota eskolako ume eta gurasoak parte hartzen dute.

Jaialdiaren helburua ondo pasatzea izango da eta binakako pilota txapelketak antolatuko dira; batetik 6-9 urteko haurren arteko binakako txapelketa, bestetik 9-12 urte bitartekoena eta azkenik guraso eta haien seme alabek osturiko bikoteena. Partidak 12 tantora izango dira, goizeko 9tan hasiko dira eta 13ak arte. 

Ikusi ezazue hurrengo estekan dagoen bideoan  nola Iribarria pilotariaren familiak berarekin jolasten zuen txikitatik eta zein garrantzitsua bihurtu daitekeen familiaren errekonozimendua eta laguntza gure seme alaben hazkuntzan.

http://www.eitb.eus/es/deportes/pelota/campeonato-individual/videos/detalle/4104072/video-final-manomanista-la-familia-irribarria-preparada/

Eguerdian, txapelketan parte hartu dutenak eta pilota eskolako familia osatzen dugunok, bazkari popularrean (sarrerak 5 euro balio du) geratzeko aukera polita daukagu. Bazkari ostean, 4ak aldera irabazi dutenei oroigarri bat emango zaie.

Garrantzitsuena denen artean egun polit bat pasatzea izango da, animatu zaitezte eta etorri parte hartzera.